Qentë e racës snifier janë një pamje e njohur në aeroporte, ku agjentët kufitarë i përdorin për të zbuluar substanca të paligjshme dhe kontrabandë.
Tani qentë snifier po përdorin hundët për një qëllim tjetër – coronavirusin, raporton BBC.
Vullnetarët po trajnojnë një ekip prej 15 qenësh dhe 10 instruktorë për programin kërkimor, transmeton Telegrafi.
"Qentë mund të zbulojnë coronavirusin tek njerëzit pesë ditë para se të shfaqin simptoma", tha për agjencitë e lajmeve, Anna Anna Hielm-Bjorkman, profesoreshë e Universitetit të Helsinkit, e cila po drejton provën.
"Ata janë shumë të mirë [në zbulimin e coronavirusit]. Ne i afrohemi ndjeshmërisë 100 për qind," tha ajo.
Pasagjerët fshijnë qafën e tyre me pëlhurë, të cilat më pas vendosen në një kanaçe dhe vihen para qenve për të nuhatur. Një test i qenit mund të japë një rezultat brenda disa minutash.
Por ndërsa testi ka treguar premtime të hershme, duhet të bëhen më shumë kërkime për të provuar efikasitetin e testimit të qenit. Për momentin, udhëtarët që marrin pjesë në provë udhëzohen gjithashtu të marrin një shtupë për të konfirmuar rezultatin.
Qentë e trajnuar posaçërisht për të zbuluar COVID-19 këtë javë kanë filluar të nuhasin pasagjerët si pjesë e një prove në aeroportin Helsinki-Vantaa të Finlandës. /Telegrafi/
