“I qëllimshëm apo i rastësishëm” – Portieri i Haitit, Josue Duverger shënon një nga autogolat më të çuditshëm ndonjëherë

Haiti u eliminua nga Kanada në kualifikueset e Kupës së Botës të martën mbrëma, pjesërisht falë autogolit të jashtëzakonshëm të portierit Josue Duverger.

Haiti kryesoi grupin e tyre në kualifikimet e Amerikës së Veriut për Kupën e Botës 2022, duke mundur Nikaraguan, Belizen dhe Ishujt Turk dhe Caicos, për të kaluar në fazën e dytë.

Atyre u ra shorti me Kanadanë në ‘play-off’ me dy ndeshje për të arritur në fazën e fundit kualifikuese të grupit dhe humbën ndeshjen e parë 1-0 të shtunën.

Canada take gift from Haiti and move on to final round of World Cup qualifying https://t.co/l7fcZmWYw7

— Edmonton Journal (@edmontonjournal) June 16, 2021

Kjo u la atyre disa mundësi për të kaluar në fazën e fundit, në ndeshjen e së martës, veçanërisht pas një pjese të parë pa gola, por vetëm një minutë pas pushimit, ndodhi katastrofa.

Mbrojtësi i qendrës Kevin Lafrance me qetësi kaloi topin prapa drejt Duverger, portieri u përpoq ta largonte atë por humbi, me topin që rrokulliset drejt portës ai kishte një mundësi tjetër për ta larguar, por vetëm e preku atë dhe e futi në portën e vet.

GOAL 🇨🇦

Oh no. 😫

One of the worst concessions in goalkeeping history, and #CanMNT take a 1-0 lead over Haiti

🔴 https://t.co/hishXepRT3 pic.twitter.com/QbF3CFwdyd

— OneSoccer (@onesoccer) June 16, 2021

Duverger, i cili është vetëm 21-vjeçar, po bënte ndeshjen e tij të parë si titullar për ekipin kombëtar dhe kishte bërë një varg pritjesh të mira në pjesën e parë, me Kanadanë që mbizotëronte në mënyrë të papritur ndeshjen.

Në mënyrë të pabesueshme, ndeshja ndërroi kahe në pjesën e dytë dhe në fund Kanadaja fitoi me rezultat të pastër 3-0 me dy golat tjerë që u shënuan nga Cyle Larin (74’) dhe Junior Hoilett (89’).

This might be the worst own goal in soccer history. 😱

A gift for Canada 🇨🇦 from Haiti 🇭🇹 and its goalkeeper. pic.twitter.com/cbCBuQRNBZ

— For Future Considerations (@PodcastFFC) June 16, 2021

Fitorja e përgjithshme 4-0 do të thotë që Kanada tani do të përballet me SHBA-të, Meksikën, Kosta Rikën, Xhamajkën, Hondurasin, Panamanë dhe El Salvadorin në fazën e tretë të kualifikimeve.

Tri ekipet më të mira në grup do të kualifikohen për Katar 2020, ndërsa vendi i katërt luan në një ‘play-off’ kundër një ekipi nga një kontinent tjetër. /Telegrafi/