Putin feston ditëlindjen, ky është urimi “vëllazëror” i presidentit serb!

Presidenti serb Tomislav Nikoliç i ka uruar ditëlindjen e 64-të presidentit rus, Vladimir Putin.

Në urimin e tij, siç shkruajnë mediat serbe, përcjell Telegrafi, Nikoliç ka vlerësuar “përpjekjet pa kompromis të presidentit rus për paqen, stabilitetin dhe respektimin e së drejtës ndërkombëtare në botë”.

“Të jeni i sigurt zoti President, se në përpjekjet tuaja dhe sfidat që ju hasni gjatë rrugës, keni mbështetjen e plotë të popullit të Serbisë”, ka shkruar Nikoliq.

“Mirëkuptim të ndërsjellë dhe respekt, dhe besimi i ndërsjellë midis popujve tanë që historikisht ekziston, paraqesin një themel të fortë për zhvillimin e mëtejshëm të marrëdhënieve tradicionalisht të ngushta dhe bashkëpunim midis Serbisë dhe Rusisë dhe forcimin e miqësisë së dy popujve vëllazërore”, i ka shkruar më tej Nikoliç.

“Jam shumë i kënaqur që me rastin e ditëlindjes tuaj, ua dërgoj përshëndetjet më të përzemërta dhe urimet më të mira për shëndet të mirë, lumturi personale dhe sukses”, përfundohet në letrën e presidentit të Serbisë. /Telegrafi/