Prezantuesja e njohur Marina Vjollca dhe reperi Getoar Selimi i kanë dhënë sot (e diel) fund beqarisë së tyre në një dasmë madhështore, të organizuar në Gjirin e Lalëzit.
Në një ceremoni me mbi 300 të ftuar, dhe nën udhëheqjen e kryebashkiakut të Tiranës, Erion Veliaj, dyshja dhanë betimin se do jenë përherë së bashku në të mirë e në të keq.
Ndërkohë, në rrjetet sociale menjëherë kanë qarkulluar fotografi nga martesa, të cilat shfaqin dukjen e prezantueses dhe reperit si nuse dhe dhëndër.
Gjithashtu njëra nga imazhet shfaq edhe puthjen e parë martesore të çiftit, pas dhënies së betimit. /Telegrafi/
