Publikohen pamje të reja gjersa ishte gjallë Yahya Sinwar – shfaqet duke udhëhequr operacionet e Hamasit

Brigada Al-Qassam, krahu ushtarak i lëvizjes palestineze Hamas, publikoi pamje të udhëheqësit Yahya Sinwar, i cili u vra më 16 tetor 2024, duke dokumentuar rolin si komandant në operacione ushtarake para vdekjes së tij.

Videoja, transmetuar në programin “Çfarë është fshehur, është më e madhe” në Al Jazeera, shkaktoi reagime të mëdha në rrjetet sociale arabe.

Lexo po ashtu Publikohen pamjet e momenteve të fundit të liderit të Hamasit

Pamjet përfshinin dokumente sekrete, përfshirë një urdhër operativ të nënshkruar nga Yahya Sinwar më 5 tetor të vitit 2023, që përcaktonte kohën e sulmit më 7 tetor në orën 06:30, dy ditë para operacionit.

Dokumentet përmbanin gjithashtu udhëzime të sakta për sulme në baza ushtarake izraelite si “Yiftah”, “Nahal Oz” dhe “Kissufim”.

Al Jazeera broadcasts footage of the late Hamas Commander Yahya Sinwar in the heart of battles, leading resistance fighters.

The clips show him directing several operations against the occupation in Rafah, southern Gaza. pic.twitter.com/zTcNc8B7Qj

— Clash Report (@clashreport) January 24, 2025

Videoja e paraqiste Sinwarin në terren duke udhëhequr operacionet ushtarake kundër forcave izraelite në Rafah dhe rajone të tjera të Rripit të Gazës. Skenat tregonin atë duke lëvizur mes pritave, duke ngritur moralin e luftëtarëve të Brigadave Al-Qassam dhe duke mbikëqyrur planifikimin operativ me komandantin e batalionit “Tel Sultan” në Rafah, Mahmoud Hamdanin, i cili u vra më vonë.

Në një tjetër skenë, Sinwar u shfaq në vijat e para të frontit duke vëzhguar një mjet ushtarak izraelit që u godit dhe u çaktivizua në lagjen Tel Sultan të Rafahut. Pamjet gjithashtu tregonin operacione precize të vëzhgimit të kryera nga Brigadat Al-Qassam përgjatë gjithë kufirit para operacionit “Përmbytja e al-Aqsas”.

Lexo po ashtu Detaje të reja mbi ditët e fundit të Sinwar, refuzoi ofertën për të ikur dhe u zotua të qëndronte dhe të luftonte

Videoja u bë virale në rrjetet sociale, ku përdoruesit palestinezë dhe arabë ndanë fragmente ku Sinwar recitonte vargun, “Te porta e lirisë së kuqe, çdo dorë e përgjakur troket”. Kjo frazë ishte huazuar nga poeti i njohur egjiptian Ahmed Shawqi në poemën “Katastrofa e Damaskut” të vitit 1926, si protestë kundër bombardimit francez të Damaskut gjatë Kryengritjes së Madhe Siriane.

Kjo video dhe vargjet e recituara nxorën në pah figurën e Sinwar si “komandant në terren dhe simbol i rezistencës palestineze”, ndërsa ushtria izraelite e konsideroi atë një përpjekje për ta paraqitur një “terrorist” si simbol të luftës. /Telegrafi/