Sport Futboll Ndërkombëtare

PSG – Bayern Munich: Statistika, analizë dhe parashikim për finalen e Ligës së Kampionëve

Para 4 vitesh

Paris Saint-Germain dhe Bayern Munich do të ndeshen mes vete në finalen e madhe të Ligës së Kampionëve, e cila zhvillohet sonte (e diel) mbrëma nga ora 21:00.

Liga e Kampionëve ka sjell një finale të madhe dhe shumë interesante mes PSG-së dhe Bayernit, të cilët do të tentojnë ta fitojnë trofeun më të madh ekipor evropian në ndeshjen që zhvillohet në Lisbonë të Portugalisë.

Vendi: Estadio da Luz (Lisbonë)

Koha: E diel, ora 21:00

Lajme rreth ekipeve

PSG

Keylor Navas mbetet një dyshim i madh për Paris Saint-Germain pasi humbi fitoren e tyre gjysmëfinale ndaj RB Leipzig për shkak të dëmtimit.

Marco Verratti është rikthyer. Italiani doli nga bankina kundër RB Leipzig kur fillimisht u mendua se nuk do të luante përsëri deri në sezonin e ardhshëm.

Leandro Paredes ka luajtur mirë në dy paraqitjet e tij të fundit për PSG, por me shumë mundësi do t’i lëshoj vendin Verrattit.

Kylian Mbappe u rreshtua në të majtë kundër Leipzig, por do të ishte për t’u habitur nëse tre sulmuesit nuk do të rrotulloheshin, veçanërisht me hapësirën e lënë pas nga Alphonso Davies në krahun e majtë të Bayern Munich.

Kjo është ndeshja e fundit e Thiago Silva për PSG-në. Juan Bernat përballet me klubin e vjetër Bayern.

Bayern Munich

Benjamin Pavard u kthye nga lëndimi në fitoren 3-0 të Bayern Munich ndaj Lyon në gjysmëfinalen e së mërkurës. Ai është një opsion për të filluar si mbrojtës i djathtë nëse Hansi Flick dëshiron që Joshua Kimmich të zhvendoset në mesfushë.

Jerome Boateng u largua pas pjesës së parë kundër Lyonit dhe tani duhet të konsiderohet një dyshim i madh për Bayernin. Niklas Sule është në gatishmëri për të luajtur si titullar në finalen e së dielës.

Kingsley Coman pritet të vendoset përsëri në bankinën kundër klubit të fëmijërisë Paris Saint-Germain.

Fakte

Ka pasur mbi tri të shënuar në 28 nga 33 ndeshjet e fundit të PSG -së në Ligën e Kampionëve.

Bayern ka fituar 10 ndeshjet e tyre të fundit në Ligën e Kampionëve.

Bayern ka shënuar të paktën 3 gola në gjashtë ndeshjet e tyre të fundit në Ligën e Kampionëve.

PSG ka fituar tetë nga 10 ndeshjet e tyre të fundit në Ligën e Kampionëve.

Ka pasur mbi tri gola të shënuar në gjashtë ndeshjet e fundit të Bayernit në Ligën e Kampionëve.

Bayern ka fituar në pjesën e parë dhe në kohën e plotë në pesë nga gjashtë ndeshjet e tyre të fundit në Ligën e Kampionëve.

Tri ndeshjet e fundit mes PSG dhe Bayernit kanë dhuruar mbi tri gola secila në të gjitha garat.

PSG ka shënuar të paktën dy gola në pesë nga gjashtë ndeshjet e fundit të tyre në Ligën e Kampionëve.

Analizë

Kanë kaluar shumë kohë, por Paris Saint-Germain e ka arritur finalen e parë në Ligën e Kampionëve. Për besimin e tyre ata bën një paraqitje shumë të mirë kundër RB Leipzig në gjysmëfinale dhe fituan 3-0. Përderisa ata shkojnë në finalen e së dielës, ata me siguri nuk janë aspak jo-favorit.

Bayern Munich ka luajtur në shumë finale të Ligës së Kampionëve, por në këtë finale ata mund ta fitojnë tripletën për herë të dytë ndonjëherë. Bayerni shënoi mesatarisht 4,2 gola për ndeshjet e Evropës këtë sezon, me Robert Leëandoëski vetëm dy gola pas rekordit të Cristiano Ronaldos, i cili ka shënuar 17 gola në një sezon të vetëm në Ligën e Kampionëve.

Bayern qartë ka fuqinë dhe sigurinë për të mposhtur PSG-në, por ata kanë treguar paksa probleme në mbrojtje në të dy ndeshjet e tyre të fundit. As Barcelona dhe Lyon nuk ishin në gjendje të kapitalizojnë në hapësirën e lënë nga Alphonso Davies në të majtë, por me Neymar, Di Maria dhe Mbappe, PSG kanë mjetet për të shkaktuar probleme të mëdha për klubin gjerman. Kjo mund të dëshmohet si një nga finalet më argëtuese në historinë e fundit.