Pse jemi të prirur të kontrollojmë në mënyrë obsesive profilet tona të rrjeteve sociale?

Nëse jeni tunduar nga ideja të kontrolloni profilet tuaja të rrjeteve sociale, duke imagjinuar se çfarë mund të mendojnë të tjerët për jetën tuaj, nuk jeni vetëm.

Sipas autores dhe psikoterapistes Eloise Skinner, është një fenomen krejtësisht natyror që shumë njerëz kënaqen, shkruan DailyMail.

“Dëshira për të kuptuar se si perceptohemi ka qenë e pranishme në instinktin njerëzor për breza të tërë”, tha profesionistja e shëndetit mendor.

“Derisa përpiqemi ta kuptojmë veten, duke iu përgjigjur pyetjes së përjetshme kush jemi ne, ne shpesh tërhiqemi në mendimet dhe reflektimet e të tjerëve për të na udhëhequr”, shpjegon.

Dhe kur ky mendim i tyre nuk i disponueshëm menjëherë, shpjegoi Skinner për Mashable, ne përpiqemi të imagjinojmë se çfarë është ky mendim, duke ekzaminuar çka shohin të tjerët kur shohin profilet tona.

Kjo nevojë për pranim dhe status social është formësuar gjatë viteve nga evolucioni, shtoi psikologia Zoe Mallet.

Si rezultat, të gjithë njerëzit kanë një nevojë të rrënjosur thellë për miratim social që përforcohet vetëm nga mediat sociale.

“Është një përpjekje e nën-ndërgjegjshme për të përmirësuar pozicionin tonë shoqëror, për të rritur shanset tona për t’u përkitur dhe për të krijuar një imazh pozitiv për veten, i cili është pjesë e mekanizmave tanë të përballimit të mbijetesës si njerëz”, tha Mallet.

Të përgjosh mediat sociale të dikujt është vetëm një mënyrë tjetër për të kontrolluar perceptimin e të tjerëve për veten, shpjegoi ajo. /Telegrafi/