Prowell: Ma sillni Prishtinën, nuk jam i kënaqur vetëm me pjesëmarrje në playoff

Organizatori i KB Rahovecit, Junious Prowell, është shprehur tejet i entuziazmuar para fillimit të playoffit.

Lojtari atletik i Rahovecit që ka shkëlqyer nga fillimi i sezonit, ka paralajmëruar skuadrat në pritje për t’u përballur.

June thotë se ai do të përballej me gjithë dëshirën me Prishtinën, por se me një fitore ndaj Trepçës do të sigurohet dueli me Bashkimin në rrethin e parë.

“Nuk jam i kënaqur vetëm me playoff. Ky ekip dhe kjo organizatë mund të arrijë më shumë dhe unë e ndjej se mund të shkojmë më larg se sa vetëm rrethi i parë. Na duhen tri fitore në rrethin e parë”.

“Natyrisht se dua që gjithmonë të fitoj edhe nga vendi i pestë, por preferoj më shumë që të kemi kundërshtar Prishtinën sepse ndjej se një herë kemi qenë duke i mposhtur dhe nëse i eleminojmë ata në rrethin e parë, do të kemi më lehtë në fund për finalen e playoffit për titull”, u shpreh Prowell.

Rahoveci ka dy ndeshje të mbetura ndaj Trepçës dhe Prishtinës.

Mbetet të shihet çka do të bëjë lojtari i klubit Vreshtar në duelin direkt. /Telegrafi/