LAJMI I FUNDIT:

Prokuroria nis hetimet për lëvizjen anti-islame të themeluar në Deçan

Prokuroria nis hetimet për lëvizjen anti-islame të themeluar në Deçan

Ditë më parë në Deçan është formuar Këshilli iniciues për formimin e të ashtuquajturës “Lëvizja për braktisjen vullnetare të fesë islame”, me moton “Të jemi vetëm shqiptarë”.

Lidhur me këtë rast, Prokuroria Themelore në Pejë këtë të enjte ka nisur hetimet për të verifikuar nëse ka elemente të veprës penale.

Kështu ka konfirmuar për Telegrafin zëdhënësi i këtij institucioni, Shkodran Nikçi, i cili ka thënë se varësisht nga të gjeturat, do të merren veprimet e mëtutjeshme.


“Lëvizja për braktisjen e fesë islame” në Deçan, Muftiu Tërnava: Veprime në shërbim të armikut të Kosovës
Lexo po ashtu “Lëvizja për braktisjen e fesë islame” në Deçan, Muftiu Tërnava: Veprime në shërbim të armikut të Kosovës

“Ne si prokurori që nga paraqitja publike e kësaj iniciative, e kemi monitoruar në vazhdimësi dhe njëkohësisht këtë të enjte, Prokuroria Themelore e Pejës ka hapur rast, për verifikim të asaj nëse ka elemente të veprës penale të nxitjes së urrejtjes apo mos durimit dhe varësisht nga ajo çka mund të rezultojë do të ndërmerren edhe hapat dhe veprimet e mëtutjeshme”, ka thënë Nikçi.

E për rastin është deklaruar një ditë më parë edhe Myftiu i Kosovës, Naim Tërnava, i cili ka thënë se lëvizje të tilla shkojnë në shërbim të armikut.

“Mua ata njerëz po më dhimbsen. Ata thjesht janë një mbetje e sistemit komunist, ateisto-enveristo-stalinist, që mendojnë se iu ka ardhur koha që ta bëjnë një lëvizje të tillë”.

“Dhe shikoni kur, në kohën kur Kosova vërtet po vendos për fatin e vet, të ardhmërisë së vendit tonë, ata bëjnë lëvizje të tilla që shkojnë në shërbim të armikut të Kosovës”, ka deklaruar.

Tërnava ka pasur edhe një mesazh për ata të cilët i janë bashkuar kësaj iniciative.

“Mirëpo, shkojnë edhe në dëm të qytetarëve të Kosovës. Unë iu kisha thënë që të lexojnë pak histori dhe të shohin se çfarë ka dhënë kombi shqiptar dhe ai i besimit myslimanë por edhe të besimeve të tjera. Në vazhdimësi feja ka qenë motiv për atdhedashuri, ka qenë nja armatosje e çeliktë e zemrës dhe mendjes që njeriu të japë gjithçka nga vetja për ardhmërinë dhe çlirimin e vendit”, ka thënë Myftiu. /Telegrafi/

Në trend Lajme

Më shumë

"Përzierje në kompetenca të rezervuara të NATO-s", ish-ushtaraku flet për mosdërgimn e FSK-së në veri

Siguri
Rrjeti kosovaro-shqiptar i drogës pastroi miliona euro në agjencinë turistike të Lucernit

Rrjeti kosovaro-shqiptar i drogës pastroi miliona euro në agjencinë turistike të Lucernit

Drejtësi
Gjeneral Jashari merr pjesë në takimin e Grupit të Kontaktit për Mbrojtjen e Ukrainës

Gjeneral Jashari merr pjesë në takimin e Grupit të Kontaktit për Mbrojtjen e Ukrainës

Siguri
31 vjet burgim efektiv, 6 me kusht dhe 171 mijë euro gjobë ndaj 11 të akuzuarve në rastin “Subvencionet 1”

31 vjet burgim efektiv, 6 me kusht dhe 171 mijë euro gjobë ndaj 11 të akuzuarve në rastin “Subvencionet 1”

Drejtësi
Këto janë adresat e kutive postare në 23 shtete për votimin jashtë Kosovës

Këto janë adresat e kutive postare në 23 shtete për votimin jashtë Kosovës

Politikë
BE do t’i monitorojë zgjedhjet e 9 shkurtit në Kosovë

BE do t’i monitorojë zgjedhjet e 9 shkurtit në Kosovë

Lajme
Kalo në kategori