Profili i Bob Marleyt: Ikonë e përkrahjes së legazimit të marihuanës në të gjithë botën (Video)

Ai besonte se të thithësh marihuanë, të bën të lirë. Lindi me emrin Nesta Robert Marley, por një zyrtar i pasaportave në Xhamajkë ia kishte ndërruar emrin e parë me të mesmin kur ai ishte ende i vogël.

Babai i tij ishte i bardhë, ndërsa nëna e zezë, por që ai veten e identifikonte si afrikan të zi. Ai lindi si katolik, por u konvertua në Rastafari në vitet e 1960-ta.

Ishte dhe vazhdon të cilësohet si mbret i muzikës Reggae, dhe pikërisht falë zërit dhe talentit që kishte në këtë zhanër, shërbeu edhe si ambasador i kësaj muzike në të gjithë botën.

Marley ka shitur më shumë se 20 milionë kopje të CD-ve, duke e bërë kështu atë superyllin e parë ndërkombëtar që doli nga e ashtuquajtur Bota e Tretë.

Edhe pse një yll internacional, jo për të gjithë ishte favorit. Sulmet ndaj tij prej autoriteteve xhamajkane ishin të shumta gjë që ndikuan në qetësinë dhe rehatinë e jetës së tij. Arsye kjo për ta bërë të dyshimtë edhe vdekjen e çuditshme të Bob Marley.

Më 1976, pak ditë para koncertit “Smile Jamaica”, një person i armatosur hyri me dhunë në shtëpinë e Bobit dhe e qëlloi atë në krah. Bob megjithatë e vazhdoi koncertin duke mos dashur që t’ia jepte kënaqësinë personit që e qëlloi.

Bob Marley zbuloi se kishte kancer, një gjë shumë e çuditshme pasi ndiqte një dietë të rreptë me fruta dhe me perime, ai gjithashtu e pëlqente tepër futbollin, çka do të thotë, ushqim i shëndetshëm dhe ushtrime. Ky fakt qoj në shumë teori konspirative.

Lexo po ashtu Të gjitha lajmet nga Bob Marley

Gjatë një koncerti Bob Marley kishte pranuar një palë këpucë, të cilat ia dhuroi Carl Colbi, djali i drejtorit të CIA-së. Dyshohet se teli i bakrit është vënë qëllimisht në çizmet e Bobit dhe shumë hetues mendojnë që ai tel bakri të ketë qënë i infektuar me substanca kancerogjene. Dhimbja që shkaktuan këto këpucë, e detyruan Marleyn të shkoj për vizitë tek mjeku. Këtu ai edhe e kuptoj që vuante nga kanceri po në atë gisht.

Për më shumë detaje, shikojeni profilin e përgatitur nga RTV Dukagjini.

https://www.youtube.com/watch?v=CGpeJ2LfquQ&feature=youtu.be