Profesori me PhD nga MIT, shef i ri i Shkencave Kompjuterike në Kolegjin Universum

Kolegji Universum ka bërë një nga “transferet” akademike më të rëndësishme në Kosovën e pasluftës, duke sjellur si shef të departamentit të shkencave kompjuterike, Prof. Asoc. Dr. Selim Temizer, i cili për 9 vite ka punuar si profesor në Middle East Technical University, universitetin më të mirë në Turqi, dhe ka doktoruar nga universiteti numër 1 në botë për shkenca kompjuterike dhe një nga 5 universitetet më të mira në botë, Massachusetts Institute of Technology, aty ku ka përfunduar edhe studimet Master në Shkenca Kompjuterike. Kjo e bën Profesorin Temizer si të vetmin akademik në Kosovë i cili ka doktoratë nga MIT.

Profesor Temizer i cili interesin kërkimor dhe mësimdhënës e ka në Inteligjencë Artificiale, Robotikë, Machine Learning dhe Data Mining, do të udhëheq programet Bachelor Shkenca Kompjuterike, Bachelor në Siguri Kibernetike dhe MSc në Data Science and Analytics dhe do të ligjëroj  në këto tri programe. Gjithashtu, si pjesë e programit të punës së Prof. Temizer do të jetë edhe themelimi i laboratorit për vetura autonome, i cili pritet ta bëj Kosovën destinacion të talenteve për këtë fushë tepër të kërkuar në botë.

“Me sjelljen e Profesor Temizer në Kosovë, Kolegji Universum po vendos një standard të ri në ofrimin e studimeve në shkenca kompjuterike por edhe në nivelin akademik në përgjithësi”, u shpreh Alejtin Berisha, drejtor i Kolegjit Universum.

Me 152 universitete partnere dhe mbi 600 bursa për studim jashtë vendit për vit, dhe 7 programe me diplomë të dyfishtë me universitete evropiane dhe Northern Iowa University nga SHBA, Kolegji Universum është institucioni me mundësitë më të mëdha për studime cilësore në Ballkan.

Për informata shtesë kontakto Kolegjin Universum në:

Email: info@universum-ks.org

Facebook: Kolegji Universum

Instagram: universumcollege

Nr.tel: +383 44 144 062