“Probleme serioze”, situata e rëndë që çoi në mungesën e Joao Cancelos në derbin Atletico-Barcelona

Joao Cancelo u detyrua të humbasë ndeshjen e Barcelonës në Atletico Madrid mbrëmë për shkak të një “problemi serioz personal”.

I huazuari i Barcelonës , Joao Felix, shënoi golin e parë kundër klubit të tij nga ku është i huazuar për të shkaktuar humbjen e parë në shtëpi në La Liga të sezonit skuadrës së Diego Simeones.

Ai u dha epërsinë mysafirëve në minutën e 38-të, pak para se trajneri i tij Xavi të dërgohej në tribunë për protesta.

Lexo po ashtu “Që kur shpalla vendimin për t’u larguar, skuadra po luan më mirë”, Xavi analizon fitoren e Barcelonës ndaj Atleticos

Robert Lewandowski dyfishoi avantazhin në pjesën e dytë përpara se Fermin Lopez të siguronte fitoren 3-0 për të kaluar Barcelonën mbi Gironan në vendin e dytë në La Liga.

Para ndeshjes, u zbulua se mbrojtësi Cancelo u përjashtua për shkak të një lëndimi.

Megjithatë, disa media më pas raportuan se ylli portugez 29-vjeçar, i cili është i huazuar nga Manchester City, në fakt nuk ka udhëtuar për shkak të një çështjeje personale.

Lexo po ashtu Tri gola, dy kartonë të kuq: Derbi mes Atletico Madridit dhe Barcelonës i pati të gjitha

Dhe ai ishte në mendjen e Lopezit pas fishkëllimës së fundit, teksa ia kushtoi fitoren në kryeqytetin spanjoll kolegut të tij.

“Doja t’ia dedikoja këtë fitore Cancelos, i cili po kalon një kohë të vështirë. Ne kemi marrë vendin e dytë, tani duhet të mbyllim diferencën me Madridin dhe të luftojmë për titullin”, deklaroi ai.

“Isha pak i befasuar duke startuar, por bëra maksimumin që nga goditja e parë. Ne jemi në një ecuri të madhe dhe duam ta vazhdojmë atë për aq kohë sa të jetë e mundur”. /Telegrafi/