Prishtina reagon në lidhje me përballjen ndaj St Joseph

Pas shortit të Ligës së Kampionëve, në Nyon të Zvicrës është hedhur edhe shorit për përballjet parakualifikuese në Ligën e Evropës.

Në sezonin e ri, Prishtina do të tentojë të kualifikohet në garën e dytë më të madhe për nga rëndësia në Evropë, pasi në sezonin e Superligës së Kosovës përfundoi në vendin e dytë.

Prishtina ka reaguar në lidhje me përballjen ndaj St Joseph’s, duke thënë se ata sërish do të shkojnë në Gjibraltar, pasi vitin e kaluar kishin mposhtur FC Europan.

“Prishtina sërish në Gjibraltar.Ndeshja e parë zhvillohet në Prishtinë më 27 qershor në stadiumin e qytetit. Kundërshtari i Prishtinës në raundin paraeliminator është skuadra e tretë e kampionatit të Gjibraltarit, St Joseph’s. Prishtina edicionin e kaluar kishte mposhtur FC Europa po të Gjibraltarit, në ndeshjen e parë në Gjibraltar kishte luajtur 1:1, ndërsa në atë kthyese në Mitrovicë 5:0”, thuhet në njoftimin e Prishtinës.

Në këtë fazë të ndeshjeve parakualifikuese në Ligën e Evropës, do të marrin pjesë 14 skuadra.

Ndeshjet e para në këtë fazë zhvillohen me 27 qershor ndërsa ato të kthimit me 4 korrik. /Telegrafi/