Prezantohet unaza e veçantë Galaxy – çfarë funksione shëndetësore mund të kryejë

Pas sugjerimeve fillestare, Samsung shfaqi unazën Galaxy në formë fizike gjatë ngjarjes MWC 2024.

Përveç shfaqjes së pajisjes, kompania zbuloi edhe disa detaje shtesë rreth unazës. Unaza Galaxy do të fokusohet në shëndetin dhe mirëqenien dhe do të jetë në dispozicion në tre ngjyra: argjendi platin, ari dhe e zezë qeramike.

Unaza Samsung Galaxy do të dalë në shitje më vonë këtë vit.

Ata që patën mundësinë të njihen me të thonë se unaza Galaxy është një unazë konkave dhe është mjaft e madhe, gjë që nuk është për t’u habitur duke pasur parasysh elektronikën e implementuar në të.

Samsung officially announces the Galaxy Ring.

This is the smallest form of wearable device from Samsung, built for comfortable 24/7 wear as an "all-new way to simplify everyday wellness".

It comes in three colours: Ceramic Black, Platinum Silver, and Gold. Available in sizes… pic.twitter.com/C4ef2tFQrx

— Alvin (@sondesix) February 26, 2024

Thuhet se është më i lehtë se sa mund të mendoni, dhe do të ofrohet në madhësi nga 5 deri në 13 dhe do të etiketohet nga S në XL. Kapaciteti i baterisë do të varet nga madhësia e unazës dhe do të ndryshojë nga 14,5 mAh në 21,5 mAh. Nuk dihet se sa do të zgjasë bateria me një karikim të vetëm.

Kur bëhet fjalë për veçoritë, Galaxy Ring do të gjurmojë gjumin bazuar në ritmin e zemrës, lëvizjen dhe frymëmarrjen dhe do t’u japë këshilla përdoruesve bazuar në këtë.

Unaza do të ofrojë gjithashtu një mjet të ri, të quajtur My Vitality Score, i cili mat vigjilencën në mënyrë që përdoruesit të shohin nëse janë në formë. Reagimet do të jenë të disponueshme nëpërmjet “Booster Cards” që ofrojnë këshilla të bazuara në shkencë duke përdorur gjumin dhe të dhëna të tjera të mbledhura nga pajisja.

Galaxy Ring do të jetë pjesë e ekosistemit Samsung Health dhe do të jetë në përputhje me orën inteligjente Galaxy Watch. Përveç kësaj, ai do të jetë i pajtueshëm vetëm me telefonat Samsung Galaxy, por kompania planifikon ta bëjë atë të funksionojë me pajisje të tjera Android më vonë. /Telegrafi/