Pretendimet e Dodikut janë absurde dhe dashakeqe, SHBA-ja nuk paraqet kërcënim për RS-në

Akuzat e fundit të Milorad Dodik, si shumica e pretendimeve të tij të mëparshme, janë absurde dhe dashakeqe.

Shtetet e Bashkuara dhe Perëndimi nuk paraqesin kërcënim për Republika Srpska (RS) të Bosnje-Hercegovinës apo aspiratat e banorëve të saj për të pasur një të ardhme paqësore, demokratike dhe të begatë.

“Këto kërcënime vijnë nga Milorad Dodik dhe ata në qeverinë e RS që përpiqen tu mohojnë të drejtat dhe liritë themelore të banorëve të këtij entiteti, duke u pasuruar në vend që të punojnë për prosperitetin e atyre që pretendojnë se përfaqësojnë, duke minuar shtetin e Bosnjës dhe Hercegovina dhe Marrëveshja e Paqes të Dejtonit, dhe duke bërë premtime destabilizuese, iluzore dhe të rrezikshme për pavarësinë e Republika Srpska”, thuhet fillimisht në reagimin e ambasadës përmes rrjeteve sociale.

Shtetet e Bashkuara ishin dhe janë mike dhe partnere të të gjithë qytetarëve të Bosnjës dhe Hercegovinës, njofton ambasada.

“Politika jonë këtu është e qartë dhe e drejtpërdrejtë dhe ka qenë e tillë për 28 vjet: Shtetet e Bashkuara mbështesin sovranitetin, integritetin territorial dhe karakterin multietnik të Bosnjë-Hercegovinës, si dhe integrimin e saj në institucionet euroatlantike”, përfundon deklarata. /Telegrafi/

Najnoviji navodi Milorada Dodika, kao većina njegovih prethodnih tvrdnji, apsurdni su i zlonamjerni. Sjedinjene Države i Zapad ne predstavljaju prijetnju ni Republici Srpskoj ni težnjama njenih stanovnika da imaju mirnu, demokratsku i prosperitetnu budućnost.

Te prijetnje…

— US Embassy Sarajevo (@USEmbassySJJ) May 24, 2023