Presidenti i La Ligas, Javier Tebas rrezikon të pezullohet për shkak të hetimeve mbi ankesën e Real Madridit

Presidenti i La Ligës, Javier Tebas dyshohet se rrezikon të pezullohet nga Gjykata Administrative e Sporteve (TAD) pas një ankese ligjore nga Real Madrid.

Sipas gazetës Relevo, Tebas do të pezullohet nesër ose gjatë javës së ardhshme nga roli i tij nga TAD – organi më i lartë administrativ në Spanjë. Kjo vjen pasi Presidenti i Përkohshëm i RFEF u pezullua gjithashtu nga i njëjti organ për praktikë të pahijshme si pjesë e një bordi të përkohshëm.

Çështjet e Tebas, sipas atyre në Bernabeu, kanë të bëjnë me ankesën që Real Madridi paraqiti në lidhje me marrëveshjen CVC, ku 38 nga 42 skuadrat e La Ligës nënshkruan një marrëveshje për të shitur 10% të të drejtave të tyre televizive gjatë 50 viteve të ardhshme.

#NoticiaRelevo 🗞️ "Todavía falta lo más gordo", es lo que se escucha en los despachos del fútbol.

💣 Se refieren a esto: El TAD planea expedientar también a Javier Tebas y que el CSD lo suspenda cautelarmente.@sergiofernan5ez 🤝 @AlfredoMatillaG https://t.co/7E7YXSSqMd

— Relevo (@relevo) April 17, 2024

Los Blancos kanë pretenduar se procesi për të thirrur asamblenë dhe për të votuar marrëveshjen nuk është kryer siç duhet, dhe si i tillë Tebas duhet të pezullohet “së shpejti”.  TAD do të hapë një hetim dhe thuhet se qeveria do të pezullojë Tebasin.

Kreu i La Ligës u ankua kohët e fundit se presidenti i Real Madridit, Florentino Perez kishte shumë pushtet, siç dëshmohet nga prania e shumë politikanëve në zonën e tij në Santiago Bernabeu.

La Liga ka fituar gjithashtu një numër çështjesh ligjore në lidhje me ankesat e Real Madridit për qasjen e operatorëve televizivë dhe marrëveshjen CVC, por ata afër klubit kryeqytetas mendojnë se Tebas do të përballet me një pezullim të afërt.

Lexo po ashtu Javier Tebas: Florentino Perez nuk është i mirë për futbollin spanjoll

Në sfondin e kësaj është lufta për pushtet për futbollin spanjoll, me Tebas që shpesh ofron një kundërshtim të fortë ndaj ankesave të Superligës Evropiane dhe Real Madridit për gjyqtarët, ku i pari është prioriteti numër një i Perez.

Deri më tani asnjë media tjetër nuk e ka konfirmuar këtë lajm, dhe La Liga ende nuk ka komentuar në kohën e shkrimit. /Telegrafi/