Presidenti dhe disa ministra vaksinohen kundër COVID-19, por jo edhe kryeministri kroat

Dhjetë anëtarë të qeverisë kroate morën vaksinën kundër coronavirusit para kamerave sot për të inkurajuar qytetarët e pavendosur të vaksinohen.

Ministrat morën vaksinën përpara seancës së sotme të qeverisë, raporton index.hr.

Pas vaksinimit, ata deklaruan se ishin të kënaqur që morën vaksinën dhe u bënë thirrje qytetarëve që të bëjnë të njëjtën gjë, transmeton Telegrafi.

“Unë jam vërtet i kënaqur që sot ne ishim në gjendje të dërgojmë një mesazh besimi në shkencë në këtë mënyrë. Ne jemi të kënaqur që mundësia e një numri në rritje të dozave është e hapur. Vaksinat e reja janë aprovuar kështu që gjithnjë e më shumë qytetarë do të jenë në gjendje ta marrin atë. Ky është një hap drejt fundit të pandemisë”, tha Ministrja e Kulturës dhe Medias, Nina Obuljen-Korzinek.

Kryeministri Andrej Plenkoviq dhe disa ministra nuk do të marrin vaksinën derisa të fillojnë të humbin imunitetin e tyre të fituar pasi vuajnë nga sëmundja.

Sot më herët, vaksina kundër coronavirusit u mor nga presidenti, Zoran Milanoviq, i cili u bëri thirrje qytetarëve të vaksinohen sepse, siç tha ai, është më mirë të marrësh vaksinën sesa të sëmuresh. /Telegrafi/