Presidenti i Brazilit, Luiz Inácio Lula da Silva i përshkroi ngjarjet që po ndodhin në Brasília si "barbare" dhe i quajti protestuesit, mbështetës të ish-presidentit Jair Bolsonaro që sulmuan ndërtesat qeveritare "fashistë".

“Këta njerëz janë gjithçka që është e neveritshme në politikë, për të pushtuar selinë e qeverisë, selinë e Kongresit dhe selinë e Gjykatës së Lartë si vandalë të vërtetë duke shkatërruar gjithçka në rrugën e tyre”, ka thënë Lula, përcjell Telegrafi.

Lula tha gjithashtu se kishte një “mungesë sigurie” dhe tha se “të gjithë njerëzit që e bënë këtë do të gjenden dhe do të ndëshkohen”.

Presidenti mbajti konferencën për shtyp në Araraquara, Sao Paulo, ku kishte vëzhguar zonat e dëmtuara nga përmbytjet e mëdha. /Telegrafi/

Amerika LatineBotë