Premiera e Egjelit shikohet në mbi 100 shtete

Mbrëmë është shfaqur episodi i 31-të i “Egjelit” në gjirafavideo.com dhe suksesi ka qenë i jashtëzakonshëm.

Pas bashkëpunimit në mes Stupcave dhe GjirafaVideo për prodhimin e “Egjelit”, është vendosur që ky serial të shfaqet vetëm në platformën online të GjirafaVideo, ku rezultatet po tregojnë një sukses të madh të kësaj premiere të shumëpritur nga publiku kosovar.

Statistikat kanë arritur dhe jemi duke folur për shifra marramendëse që tregojnë suksesin e këtij seriali.

Trendët e rritjes së shfrytëzueseve online siç duket po vazhdojnë e kështu po rritet edhe një platformë shumë më e mirë dhe praktike për film-bërësit dhe shikuesit e serialeve.

Lexo po ashtu Gjithçka rreth Egjelit

Me 50,000 shikime vetëm mbrëmë deri në ora 23:59 (mbrëmja e lansimit) dhe me shikues nga më shumë se 100 shtete, këto statistika tregojnë për një pavarësi të medias online.

E ardhmja digjitale online e Kosovës duket të jetë me perspektive, e kjo sigurisht për shkak të numrit të madh të të rinjve të cilët çdo ditë e më shumë po largohen nga platformat klasike, duke kaluar në ato digjitale të cilat ofrojnë më shumë mundësi për stilin e jetës së tyre.

Nga Gjirafa tregojnë që çdo minutë të shfaqjes ka pasur mbi 300 shikues shtesë të cilët janë kyçur për ta shikuar episodin e ri të “Egjeli”, ndërsa Stupcat shprehën mjaft të kënaqur më këtë sukses që kanë arritur me sezonin e ri të “Egjeli” në gjirafavideo.com. /Telegrafi/