Premier Ligë: Top 10 ekipet me më së shumti fitore si vendas

Pas një studimi nga Sky Sport zbulohet se është Liverpooli është ekipi më i suksesshëm në shtëpi në historinë e futbollit anglez. Që nga krijimi i klubit deri më sot ata kanë fituar 61,58% të ndeshjeve të tyre në Anfield.

Anfieldi ka qenë gjithmonë i njohur si një fortesë e madhe dhe këtë e konfirmon edhe ky stadium i cili tregon se ky stadium ka qenë një ankth për ekipet mysafire gjatë gjithë historisë së kampionatit anglez.

Pas Liverpoolit, janë Manchester United dhe Arsenali ekipet me më së shumti fitore si vendas, gjë që nuk është befasi pasi këto dy ekipe së bashku me Liverpoolin janë tri klubet me më së shumti tituj në ligë, megjithatë, në sezonin e fundit Brendan Rodgers dështoi pak a shumë të vazhdojë traditën e Anfieldit si një terren i vështir për kundërshtar.

Liverpooli nga 19 ndeshjet si vendas, vetëm dhjetë prej tyre ka arritur t’i fitonin, kurse në pesë tjera ka barazuar dhe në katër ka humbur. Për dallim nga sezoni i dy viteve më parë, ky është një zhgënjim, pasi Liverpooli në atë sezoni nga 19 ndeshje kishte arritur t’i fitojë 16, dhe kështu ishte shumë pranë për të fituar titullin.

Megjithatë, ky studim është një goditje për tifozët e Chelseat, pasi klubi i tyre nuk gjendet top 10 klubet më të suksesshme në këtë aspekt. Klubi londinezë është në vendin e 14-të, por tifozët e Chelseat mund të ngushëllohen me faktin se ata janë kampionët aktual të Premier Ligës.

Gjithashtu vlen të theksohet se Jose Mourinho në krye të klubit londinez ka humbur vetëm një herë në shtëpi gjatë gjithë karrierës së tij në krye të Chelseat.