Rita Ora është një ndër këngëtaret më të suksesshme shqiptare në rrafshin ndërkombëtar.
Vitin e kaluar këngëtarja mbajti një koncert fantastik në Prishtinë me rastin e përvjetorit të dhjetë të pavarësisë së Kosovës.
Gjatë ditëve të kaluara bukuroshja jonë ka ndarë imazhe dhe video të ndryshme që kishin të bëjnë me rastin e kësaj ngjarje madhore për vendin tonë.
Në njërën prej tyre biondina ka treguar se koncertin e zhvilluar në kryeqytetin e Kosovës e kanë ndjekur rreth 300 mijë persona nga sheshet.
Një faqe e rrjeteve sociale i ka bërë jehonë postimit të 28-vjeçares dhe këtë e ka pëlqyer duke e shpërndarë në llogarinë personale në Instagram.
Ndër të tjerash theksohet se është e pabesueshme të ndiqet një koncert prej 300 mijë personave kur popullata e atij vendi është 1.9 milion banorë.
Ndryshe, Rita ka uruar pavarësinë e Kosovës duke sjell imazhe dhe video nga koncerti i mbajtur më 17 shkurt në Prishtinë. /Telegrafi/
