Policia në Mitrovicë kërkon bashkëpunimin e qytetarëve për arrestimin e disa personave

Policia e Kosovës-Drejtoria Rajonale e Policisë në Mitrovicë Jug, me autorizim të lëshuar nga prokurori i shtetit-Departamenti i Krimeve të Rënda të Prokurorisë Themelore në Mitrovicë, me të cilin është lejuar publikimi i fotografive të personave të poshtëshënuar kërkon bashkëpunimin e qytetarëve për arrestimin e disa personave të dyshuar.

Personat e kërkuar janë të dyshuar se kanë veprën penale vrasje e rëndë më datë 10.07.2021 në rrugën “Evlia Qelebiu” në Mitrovicë.

Gjithashtu kërkohet bashkëpunimi i qytetarëve për arrestimin e personave të dyshuar se kanë kryer veprën penale vrasje e rëndë me datë 12.02.2021, në rrugën “Bislim Bajgora” në Mitrovicë.

“Policia e Kosovës kërkon nga qytetarët e Republikës së Kosovës që për çdo informacion që ndërlidhet me personat në kërkim apo vendndodhjen e tyre të lajmëroj Policinë e Kosovës. Informacione për personat në kërkim, mund të dërgoni  në  Nënstacionin/ Stacionin Policor më të afërt, përmes telefonit apo edhe përmes aplikacionit ‘Lajmëro Policinë’”, thuhet në njoftim.

Numrat e telefonit dhe adresat elektronike kontaktuese për të kontaktuar Policinë e Kosovës: 192, +381 (0)28 532 366-Drejtoria Rajonale  Mitrovicë Jugu dhe  044/704 511, e-mail adresa: info@kosovopolice.com . /Telegrafi/