Policia e Kosovës ka identifikuar dhe arrestuar tre persona si të dyshuar për rrahjen e drejtorit të burgjeve, Sokol Zogaj.
Gjatë operacionit të policisë së Kosovës janë bastisur tri lokacione të ndryshme.
Po ashtu, është sekuestruar edhe një veturë e tipit Volkswagen-Golf me të cilën dyshohet se kanë lëvizur sulmuesit.
Policia ende nuk ka konfirmuar zyrtarisht për arrestimet e sotme.
Zogaj është rrahur mëngjesin e së mërkurës në hyrje të banesës së tij, njofton Klan Kosova.
Ai më pas është dërguar për tretman në Qendrën Klinike Universitare të Kosovës.
