Polici ia shpëton jetën foshnjës që pushoi së marri frymë në Michigan

Një polic heroik i Michiganit shpëtoi një foshnjë që nuk merrte frymë.

Pamjet e kamerave kapën momentin dramatik të policit, Brendan Fraser, i cili u hodh në aksion gjatë ndalimit të trafikut kur dëgjoi lutjet nënës së foshnjës 18-muajshe.

“Ndihmë, ndihmë, ne kemi një fëmijë këtu duke vdekur”, bërtiti shoferja mes lotësh ndërsa polici vrapoi drejt veturës, sipas pamjeve të kamerave të publikuara nga stacionet lokale.

“Mendova se ai po garonte me dikë, ose ndoshta po përpiqej të largohej nga diçka”, tha Fraser për shoferin, sipas CBS Detroit.

“Dhe atëherë, me të vërtetë, tani kishte kuptim kur ajo dorëzoi fëmijën e tij. Ajo ishte duke shkuar drejt një spitali”, shtoi ai.

Shoferi i dha Fraser foshnjën dhe oficeri e pa fëmijën duke iu nxirë trupi, raporton nypost.

Fraser filloi ta godas në shpinë djalin me shpresën se do t’i pastronte rrugët e frymëmarrjes – të gjitha ndërsa përpiqej të mbante të qetë nënën e djalit dhe vëllanë e saj, tregojnë pamjet e raportuara.

Një lloj lëngu vogëlushi e nxori nga goja ndërsa oficeri punonte për të shpëtuar jetën e fëmijës.

Gjersa është e paqartë se çfarë e shkaktoi këtë problem, ai ishte në gjendje të shërohej pasi u soll në spital nga reaguesit e parë.

“Veprimet e oficerit Fraser në këtë ndalesë trafiku nuk janë asgjë më pak se heroike”, tha në një deklaratë komisioneri i policisë Warren, William Dwyer, sipas Detroit News. /Telegrafi/