Drejtori i përgjithshëm i Juventusit, Beppe Marotta i është kundërvër trajneri të Tottenhamit, Mauricio Pochettino, i cili i akuzoi drejtuesit e Juventusit për presion ndaj gjyqtarëve të ndeshjes, para dhe gjatë takimit.
Të mërkurën mbrëma, Juventusi mundi Tottenham Hotspurin me rezultat 2-1 në Wembley në ndeshjen e vlefshme për Ligën e Kampionëve, por trajneri i Spurs, Pochettino dha disa deklarata të forta.
Trajneri argjentinas pretendoi se drejtuesit e Juventusit, Andrea Agnelli dhe Beppe Marotta bënë presion mbi gjyqtarët para dhe gjatë ndeshjes.
Megjithatë, drejtori i përgjithshëm i Juventusit i ka mohuar këto akuza, duke i cilësuar si të pabaza.
"Është krejtësisht e pabazë. Ne nuk jemi mësuar me gjëra të tilla", ka thënë fillimisht Marotta.
Pochettino pati akuza të rënda në drejtim të drejtuesve të Juves (Getty Images)
"Ne absolutisht nuk i jemi afruar gjyqtarit në pushimin mes dy pjesëve".
Marotta mohoi akuzat e Pochettinos (Getty Images)
"Thjesht, shkova në zhveshtore - siç e bëj gjithmonë - t'i uroj të gjithëve fat të mirë".
"Nuk kishte asnjë qasje direkt apo indirekte ndaj gjyqtarit", përfundoi drejtoi i Zonjës së Vjetër. /Telegrafi/
