Po transportonte automjete, përmbyset anija gjigante në brigjet e Georgia – po tentohet shpëtimi i katër anëtarëve të ekuipazhit

Rojet Bregdetare amerikane po përpiqen të shpëtojnë katër anëtarë të ekuipazhit të Koresë së Jugut, të cilët ishin në bordin e një anijeje ngarkesash, anija e të cilëve ishte përmbysur brigjet e Georgia të dielën në mëngjes, tha Ministria e Jashtme e Koresë së Jugut.

Sipas mediave të huaja, përcjell Telegrafi, anëtarët e ekuipazhit të zhdukur janë konfirmuar të jenë në dhomën e motorit të anijes, tha ministria.

#Update Evacuations of the Golden Ray’s crew continue. All vessel traffic in the Port of Brunswick is currently suspended unless approved by the @USCG Captain of the Port. #HappeningNow pic.twitter.com/F7JbdGCShU

— USCGSoutheast (@USCGSoutheast) September 8, 2019

Siç bëhet e ditur tutje, ishte rreth orës 2 të mëngjesit kur autoritetet u njoftuan për herë të parë se anija po përmbysej.

Ekuipazhet nga Rojet Bregdetare dhe agjencitë e tjera u përgjigjën dhe shpëtuan 20 nga 24 personat në bord – 23 anëtarë të ekuipazhit dhe një pilot – para se një zjarr t’i detyronte ata të ndalen.

Bëhet e ditur se anija po transportonte automjete. /Telegrafi/