Pluhuri i “TEC Manastir” po helmon Pellagoninë (Video)

Hiri i thëngjillit të djegur në “TEC Manastiri” është gati të shndërrohet në mbeturinë radioaktive, ka treguar hulumtimi në të cilin drejtpërdrejtë ka marrë pjesë edhe profesori universitar Trajçe Stafilov. Sipas tij, problemi është se pjesa më e madhe e hirit është lënë në vend të hapur, kështu që erërat e përhapin në tërë Pellagoninë.

Nëse mblidhet radioaktiviteti i përgjithshëm nga të gjitha radioizotopet, kjo është mes 400 dhe 500 Bekuerel në një kilogram si radioaktivitet, që sipas Rregullores për mbeturinë radioaktive, atë e afron drejtë mbeturinës radioaktive”, tha për Alsat-M profesori universitar, Trajçe Stafilov.

Problemi me ndotjen ka detyruar që një prijës lokal të bëhet aktivist ekologjik.

“Më besoni, është energji negative nga e cila nuk mund të çliroheni asnjëherë, dikush do të thotë se ky është profesioni im, por të gjithë që janë atje asnjëherë nuk do të mund të çlirohen nga kjo energji negative, kur dikush dërgon ndonjë të ri, sepse askush nuk mban kujdes për ambientin”, thotë Dushko Gruevski, prijës dhe aktivist ambientalist.

Nga “TEC Manastiri” nuk duan t’i komentojnë rezultatet për radioaktivitetin, me arsyetimin se nuk janë të kyçur direkt në hulumtim./Telegrafi/