Plani nuk ndryshon: GTA 6 do të vjen në vitin 2024

Katër muaj më parë mësuam datën e mundshme të lëshimit për GTA 6. Publisher Take-Two Interactive njoftoi se pret një rritje të madhe të të ardhurave në vitin e tij fiskal 2025, i cili zgjat nga 1 prilli 2024 deri më 1 prill 2025.

Nuk ka shumë video-lojëra që mund të gjenerojnë një rritje të madhe të të ardhurave sa GTA, kështu që është e lehtë të supozohet se GTA 6 është planifikuar të arrijë diku në gjysmën e dytë të 2024 ose në tremujorin e parë të 2025.

Tani, Take-Two e ka përsëritur edhe një herë atë parashikim, që do të thotë se plani nuk ka ndryshuar ndërkohë. Ata ende presin të ardhura rekord prej 8 miliardë dollarësh në vitin fiskal 2025, që është 2.5 miliardë dollarë më shumë se viti fiskal i mëparshëm.

Sigurisht, e gjithë kjo është kështu në letër, nëse nuk ka vonesë në lëshimin e GTA 6. Dhe dihet mirë se çdo lojë Rockstar duhet të vonohet të paktën një herë, nëse jo disa herë, sipas rregullave të pashkruara.

Në rast se ndodh vonesa, nuk do të jetë problem për Take-Two sepse GTA 5 e vjetër ende po shitet sikur nuk doli dhjetë vjet më parë. Midis prillit dhe korrikut të këtij viti, GTA 5 u ble nga pesë milionë lojtarë të tjerë.

Shitjet totale të lojës GTA 5 tani janë 185 milionë kopje, ndërsa e gjithë seria ka shitur 405 milionë lojëra. /Telegrafi/