Një 65-vjeçar u plagos sot në orët e para të mëngjesit në fshatin Ngurrëz e Vogël në Lushnjë.
Mësohet se shtetasi Faik Veliu është plagosur nga vëllai i tij Sami Veliu.
Policia ka arrestuar të dyshuarin, ndërkaq Top Channel ka mësuar se autori u kap teksa ishte i fshehur në një plantacion me shegë bashkë me armën e zjarrit tip kallashnikov.
Dyshohet se Sami Veliu vuante nga probleme të shëndetit mendor.
Banorët shprehen se në dijeninë e tyre, vëllezërit Veliu nuk kishin probleme me njëri-tjetrin dhe as probleme pronash.
