Pjanic: Kam refuzuar Tottenhamin, jemi të uritur ta fitojmë Ligën e Kampionëve  

Mesfushori i Juventusit, Miralem Pjanic zbulon se ai hodhi poshtë mundësinë për t’u bashkuar në vitin 2012 me kundërshtarët e së nesërmes (e mërkurë) në Ligën e Kampionëve, Tottenham Hotspur.

Bardhezinjtë e mirëpresin skuadrën angleze në Torino për ndeshjen e parë të Ligës së Kampionëve për fazën e 1/16-tës.

Por, Pjanic mund të kishte qenë lehtësisht në anën tjetër, nëse ai do të vendoste për një vendim tjetër katër vjet më parë.

Lexo po ashtu Askush si Miralem Pjanic në 10 vitet e fundit për gjuajtjet e lira (Video)

Reprezentuesi boshnjak po luante për Romën në atë kohë dhe Spursat donin që ai të zëvendësonte Luka Modricin pas transferimit të tij në Real Madrid.

“Kishte mundësi të kaloja. Në atë moment unë u thashë atyre se unë isha i lumtur ku isha dhe prandaj nuk e nënshkruam marrëveshjen”, konfirmoi fillimisht Pjanic duke folur për Daily Telegraph.

“Kam bërë zgjedhjen time duke përdorur kokën time dhe nëse e bëra atë zgjedhje që të mos shkoj në një ekip anglez, kjo ishte për arsye të mira”.

Lexo po ashtu Pjanic: Te Roma gjithmonë thoshim ky është viti i duhur, por asnjëherë nuk ishim të përgatitur

Pjanic ka folur edhe për ndeshjen ndaj anglezëve, duke e cilësuar si skuadër të madhe, por thekson se qëllimi i Zonjës së Vjetër është të arrijë gjithë trofeun e Ligës së Kampionëve.

“Ne jemi shumë konkurrues, shumë të uritur dhe ne patjetër duam ta fitojmë atë. Por, Tottenham është një ekip i madh”, përfundoi boshnjaku. /Telegrafi/