Pique këmbëngul se Barcelona tani është në garë për titull në La Liga

Mbrojtësi i Barcelonës, Gerard Pique insistoi që gara e titullit në La Liga është ende e hapur pasi skuadra e tij ngushtoi hendekun ndaj liderëve të Atletico Madridit pas një fitore 2-0 ndaj Sevillas të shtunën mbrëma.

Lionel Messi shënoi njërën dhe asistoi tjetrën për Ousmane Dembele ndërsa skuadra e Ronald Koeman mori dy pikë të mëdha në udhëtim dhe u afrua në dy pikë me liderët e Atleticos.

Skuadra e Diego Simeones mund të rikthejë avantazhin e tyre me pesë pikë me një fitore në Villarreal të dielën, por Pique shpreson që fitorja e së shtunës, e dyta në katër ditë, mund të veprojë si trampolinë për pjesën tjetër të sezonit.

Lexo po ashtu Gara për titull në La Liga: Kush ka orar më të mirë deri në fund nga katër kandidatët

“Ka një garë për titull, patjetër. Ne kemi parë gjëra shumë më të këqija dhe ekipi, përkundër atyre dy ndeshjeve [kundër Sevilla dhe PSG], është një për të besuar këtë vit”, ka thënë fillimisht Pique.

“Sevilla, në shtëpi, nuk kishte një goditje në portë dhe as nuk krijoi raste të pastra”.

“Nuk është një situatë ideale, por unë jam i sigurt në ekipin. Gjithçka është në kokën tonë. Nëse e kthejmë atë të mërkurën [kundër Sevilla], sezoni ndryshon tërësisht”.

“Ne do të ishim në finalen e Copa del Rey dhe ne jemi ende gjallë në La Liga”, përfundoi mbrojtësi i Barcelonës. /Telegrafi/