Peshkaqeni sulmoi për vdekje 19-vjeçaren në ujërat e Zelandës së Re – dëshmitarët përshkruajnë tmerrin

Një grua vdiq pasi thuhet se u sulmua nga një peshkaqen i madh – me dëshmitarët që e përshkruan ngjarjen si të tmerrshme – me britma paniku.

Sipas mediave të huaja, përcjell Telegrafi, gruaja, e raportuar të jetë 19-vjeçare, pësoi plagë fatale nga kafshimet ndërsa ishte në ujë në Bowentown Beach, në Western Bay të Plenty, Zelanda e Re.

Shërbimet e urgjencës u thirrën në vendin e ngjarjes, ku ata kryen “CPR të fuqishme” mbi viktimën, sipas raporteve lokale.

Dëshmitari Elliot Hall tha se ai kishte dëgjuar që viktima ishte parë duke notuar pikërisht pas dallgëve kur ajo filloi të bërtiste.

Dhe rojet e shpëtimit nxituan në vendin e ngjarjes dhe e tërhoqën atë nga uji.

Hall ka thënë se ai pa se si mjekët u gjenden tek gruaja për rreth 20 minuta ndërsa familja dhe miqtë u mblodhën rreth saj.

Përkundër përpjekjeve më të mira të ndihmës mjekëve, ajo fatkeqësisht u shpall e vdekur në vendin e ngjarjes, raportojnë mediat e huaja.

Ndërsa tragjedia u zhvillua, notarë të tjerë në ujë u urdhëruan të evakuohen ndërsa një helikopter shpëtimi zbarkoi në plazh. /Telegrafi/