Pesë vende dakordohen për të izoluar nga tregu i energjisë bërthamore Rusinë e Putinit

Pesë vende kanë krijuar një aleancë për të ‘izoluar Rusinë e Putinit’ nga tregu i energjisë bërthamore.

Një aleancë midis Mbretërisë së Bashkuar, SHBA-së, Kanadasë, Japonisë dhe Francës është krijuar në një përpjekje për të nxjerrë Rusinë e Vladimir Putinit nga tregu ndërkombëtar i energjisë bërthamore, raporton skynews.

Si pjesë e marrëveshjes, pesë vendet do të përdorin burimet e tyre të energjisë bërthamore për të “minuar kontrollin e Rusisë në zinxhirët e furnizimit”.

Lexo po ashtu Mizoritë e Putinit nuk ndalen as të dielën e Pashkëve Ortodokse, ushtria e tij bombardon kishën në Ukrainë

Ai gjithashtu do të mbështesë “furnizimin e qëndrueshëm të karburanteve për nevojat e sotme, si dhe do të garantojë zhvillimin dhe vendosjen e sigurt të karburanteve për reaktorët e avancuar të së nesërmes”, thuhet në një deklaratë të përbashkët.

Sekretari i Sigurisë së Energjisë në Mbretërinë e Bashkuar, Grant Shapps, deklaroi se “Mbretëria e Bashkuar ka qenë në qendër të përpjekjeve globale për të mbështetur Ukrainën, për të mposhtur Putinin”.

Ndryshe, Rusia ka sulmuar në mënyrë të vazhdueshme infrastrukturën energjetike të shtetit ukrainas gjatë sezonës së dimrit. /Telegrafi/