Kalimi i Kristal Abazajt te Anderlecht, është një tregues i qartë se niveli i kampionatit shqiptar është rritur ndjeshëm.
Gjithçka është meritë e Skënderbeut që ka lojarë me kontrata të rregullta dhe nuk lëshon që të ikin lojtarët pa përfituar klubi.
Por cilat janë pesë shitjet e bujshme të Skënderbeut në këto dy vite e gjysmë.
1.Piter Olayinka ishte i pari futbollist që u largua nga Kategoria Superiore për një shifër rekord pasi nga transferimi i tij te Gent, korçarët përfituan rreth 1,1 milionë euro.
2.Vetëm disa ditë pas largimit të Olayinkas, Skënderbeu shiti në Rusi një tjetër lojtar të spikatur, Bernard Berishën për rreth 600 mijë euro te Anzhi në Premier Ligën ruse.
3.Agim Zeka ishte i treti i larguar. Edhe pse talenti i kombëtares shpresa kishte luajtur fare pak me bardhekuqtë, falë dyshes Haris Fakic-Shkumbin Qormemeti, Zeka u transferua te Lille në Francë për 300 mijë euro.
4.Në verë menjëherë pasi siguruan kualifikimin në grupet e Ligës së Evropës duke kaluar katër ture dhe duke bërë historinë, korçarët u privuan nga shërbimet e Liridon Latifit i cili u transferua në Hungari te skuadra e Puskas Akademia.
Nga shitja e Latifit, Skënderbeu përfitoi 1 milionë euro.
5.Kristal Abazaj ishte i fundit lojtar që la Skënderbeun për të kaluar në një klub të rëndësishëm evropian.
Edhe pse nuk u aktivizua aspak te korçarët, bardhekuqtë përfituan 750 mijë euro nga shitja e një prej talenteve më të mëdhenj të futbollit shqiptar. /Supersport/
