Pesë rekorde në Formula 1 që Max Verstappen mund të thyejë këtë sezon

Piloti holandez i Red Bull, Max Verstappen është kampioni aktual i Formula 1 dhe është në rrugë të mirë për ta mbrojtur titullin këtë sezon.

Deri në fund të kampionatit, ai mund të thyejë deri në pesë rekorde të tjera.

Numri i pikëve

Rivali i Verstappen për titullin e vitit të kaluar, Lewis Hamilton, aktualisht mban rekordin për numrin e pikëve në një sezon të vetëm. Britaniku mblodhi 413 pikë në sezonin 2019, kur u zhvilluan 21 gara. Këtë vit është e mundur të fitohen maksimumi 160 pikë deri në fund të sezonit dhe duke marrë parasysh pikët për xhirot më të shpejta dhe pikët nga garat e sprintit, Max mund të thyejë rekordin e Hamiltonit.

Diferenca e pikëve mes kampionit dhe nënkampionit

Në vitin 2013, Sebastian Vettel fitoi titullin e kampionit të F1 dhe kishte 155 pikë më shumë se Fernando Alonso. Max ka një shans për të bërë një ndryshim edhe më të madh me shokun e tij më të afërt në gjashtë garat e mbetura.

Grazie Monza 💚🤍❤️#ItalianGP #F1 pic.twitter.com/RDnL6p0bTp

— Formula 1 (@F1) September 12, 2022

Seria fituese

Vettel arriti nëntë fitore radhazi në vitin 2013, duke fituar çdo garë mes Belgjikës dhe Brazilit. Verstappen aktualisht ka pesë fitore radhazi dhe është në formë premtuese.

Numri i fitoreve në një sezon

Verstappen ka regjistruar 11 fitore në sezonin aktual dhe është në rrugën e tij për të thyer rekordin e mbajtur aktualisht nga Sebastian Vettel dhe Michael Schumacher, që kishin nga 13 fitore.

Xhirot më të shpejta

Michael Schumacher dhe Kimi Raikkonen kanë secili nga 10 xhiro më të shpejta në një sezon, dhe Verstappen aktualisht është në pesë.

Kjo është një sfidë e vështirë për këtë vit, por matematikisht është ende e mundur të arrihet./Telegrafi/