Pesë largimet që pritet të ndodhin sot nga Barcelona

Barcelona është e vendosur të bëjë disa ndryshime të mëdha, me disa largime në ditën e fundit të afatit të transferimeve.

Gjigantët katalanas kanë shpenzuar para për lojtarë të rinj këtë verë, pasi kanë marrë futbollistë si Robert Lewandowski, Raphinha dhe Jules Kounde.

Ata gjithashtu kanë larguar nga skuadra e tyre lojtarë si, Philippe Coutinho dhe Oscar Mingueza, ndër të tjera.

Lexo po ashtu Super kompjuteri i FiveThirtyEight parashikon fituesin e Ligës së Kampionëve - disa nga top klubet nuk i kalojnë as grupet

Dhe duket se Xavi ende i ka sytë te lojtarë të rinj pasi raportimet sugjerojnë se ai do të vazhdojë të përforcojë skuadrën e tij dhe të largojë lojtarët që konsiderohen të tepërt në planet e tij.

Sipas Gerard Romero, Barça po kërkon të kompletojë nënshkrimin e Marcos Alonso nga Chelsea dhe një mbrojtës të djathtë.

Për të mos përmendur një lojtar të caktuar, i cili është paralajmëruar t’i bashkohet skuadrës së Xavi përpara afatit.

Lexo po ashtu Shkëmbim i bujshëm mes Unitedit dhe Barcelonës kur kanë mbetur më pak se dy ditë nga afati kalimtar

Romero, megjithatë, ende nuk ka bërë të ditur emrin ose profilin e lojtarit që drejtori sportiv i Barçës, Mateu Alemany, po kërkon të blejë.

Duket se një lëvizje për Bernardo Silva të Manchester Cityt është jashtë mundësive, pasi e ka ndjekur asin portugez këtë verë.

Lexo po ashtu De Jong në Londër, mes zërave për një kalim te Chelsea ose United

Sa i përket largimeve, thuhet se Pierre-Emerick Aubameyang, Sergino Dest, Martin Braithwaite, Miralem Pjanic dhe Abde Ezzalzouli janë gati të largohen nga klubi.

Kjo do të thotë që Frenkie de Jong duket se do të mbetet te Barca, pasi është lidhur fort me një lëvizje te Manchester United këtë verë. /Telegrafi/