Përvojë e pazakontë, 28-vjeçari nga Çikago iu nënshtrua transplantit të veshkës – gjatë tërë ndërhyrjes kirurgjikale qëndroi i zgjuar

John Nicholas, 28 vjeç, sapo është bërë një nga pacientët e paktë që iu nënshtrua transplantit të veshkës derisa ishte plotësisht zgjuar.

Mjekët e tij folën me të gjatë gjithë procedurës, pasi barku i tij ishte i hapur në tryezën e operacionit.

Në një moment, ata madje shkuan pranë për t’i treguar organin e ri që do të vendosej brenda trupit të tij, për të kuruar dështimin e veshkave, transmeton Telegrafi.

Më pak se një ditë pas operacionit, burri nga Çikago u lirua nga spitali për t’u rikuperuar në shtëpi, pavarësisht nga qëndrimi mesatar pesë-ditor në spital për këtë lloj procedure. Nicholas nuk kërkoi as ilaçe kundër dhimbjeve.

Një nga kirurgët në këtë rast, Dr Satish Nadig, drejtor i Qendrës Gjithëpërfshirëse të Transplantit në Northwestern, tha se mjekët shpresojnë se suksesi i operacioneve si i Nicholas mund të zvogëlojë disa nga rreziqet e operacionit të transplantit – duke përfshirë problemet e frymëmarrjes, humbjen e gjakut dhe infeksionin.

Njerëzit me sëmundje kronike si diabeti, sëmundjet e zemrës ose të mushkërive janë në rrezik më të lartë të zhvillimit të komplikimeve kur vihen në gjumë për operacion, gjë që mund ta bëjë të vështirë për ata që kanë nevojë të marrin një veshkë të re ose një organ tjetër. /Telegrafi/

Instead of using general anesthesia, @NorthwesternMed doctors used a spinal anesthesia shot. The patient, 28-year-old John Nicholas of Chicago, felt no pain during the procedure and walked out of the hospital less than 24 hours later.https://t.co/zeIIdxU9z9 pic.twitter.com/3gH7JsIpgi

— NM Media Relations (@NMHC_News) June 24, 2024