Përkthyesi universal i Microsoftit

Qendra hulumtuese e Microsoft në Azi, që përndryshe ndodhet në Pekin, paraqiti rezultatet e hulumtimeve të veta të kryera në qendrën e Microsoftit në Redmond kur softueri i tyre linguistik për të parën herë përshëndeti përmes zërit të Craig Mundie (shefi i hulumtimit dhe strategjive pranë Microsoft) së pari në gjuhën angleze, e pastaj me të njëjtin zë në gjuhën mandarine (“kineze”).

Kjo është hera e parë që programi për përkthim zanor imiton zërin e folësit të cilin e përkthen.

Për momentin softueri ka nevojë për rreth një orë që të mbaroj modelin programor të zërit të folësit të cilin emulon e më pastaj mund ta lexoj çdo tekst me zërin e tij. Momentalisht është përkrahur përkthimi nga 26 gjuhë, ndërsa nuk e dimë nëse edhe gjuha shqipe është në mesin e tyre.

Pa marrë parasysh të gjithat, kjo teknologjia është gati pothuajse e krahasueshme me atë nga filmat fantastiko-shkencor.
Në faqet Technology Review të MIT-së mund të dëgjohet edhe si dëgjon sinteza e të njëjtit folës në katër gjuhë të ndryshme. /Telegrafi/