Përfundon pjesa e parë: Arsenali me epërsi të merituar ndaj Manchester Cityt

Ka përfunduar pjesa e parë në derbin mes Arsenalit dhe Manchester Cityt (1-0) që po luhet në kaudër të javës së 24-të në Ligën Premier.

Vendasit kaluan në epërsi në minutën e dytë pas një gabimi të Manuel Akanjit, i cili i dhuroi mundësinë Martin Odegaard të shënonte për rezultatin 1-0.

‘Topçinjtë’ menduan se kishin realizuar edhe golin e dytë në këtë takim kur Gabriel Martinelli e çoi topin në fundin e rrjetës në minutën e gjashtë, por ai u anulua për pozitë jashtë loje.

MARTIN ODEGAARD GOAL VS MAN CITY pic.twitter.com/irbMzzluUr

— Dr Yash  (@YashRMFC) February 2, 2025

Në anën tjetër rasti i parë  për ‘Qytetarët’ në këtë pjesë erdhi në minutën e 24-të kur gjuajtjen me kokë të Josko Gvardiol e priti në mënyrë fantastike David Raya.

Një tjetër rast të mirë shënimi e pati edhe braziliani Savinho në minutën e 43-të, por sërish në skenë doli Raya për t’ia mohuar golin e barazimit.

Mbetet të shihet se çfarë do të ndodhë në pjesën e dytë, por bazuar në intensitetin e lojës nuk pritet që të mungojnë golat./Telegrafi/