Përfaqësues të BNjVL dhe ministrja Elezi në Kongresin rajonal të BFC SEE në Podgoricë

Përfaqësuesit e Bashkësive të njësive të vetëqeverisjes lokale (BNjVL) dhe ministrja për vetëqeverisje lokale  Shiret Elezi, sot do të marrin pjesë në Kongresin rajonal për shpalljen e komunave më të mira për investim në rajon në kuadër të Programit „Komunat me mjedis të përshtatshëm afarist“, i cili do të mbahet në Podgoricë të Malit të Zi, transmeton Telegrafi Maqedoni.

Siç bëjnë të ditur nga MIA, në kongres do tu shpërndahen certifikata komunave më të mira, në mesin e të cilëve gjenden edhe komunat e Maqedonisë, Shtip, Bogdanci, Gazi Babë dhe Qyteti i Shkupit.

Ministrja Elezi do të flet për politikat dhe mekanizmat për zhvillim lokal dhe promovim të potencialeve për investim në komunat e Republikës së Maqedonisë.

Ndryshe, në raportin vjetor për vitin 2015, për sa i përket programit „Certifikimi rajonal i komunave me mjedis të përshtatshëm afarist” të BNjVL, qëndron se këtë vit për pajisje me këtë certifikatë janë paraqitur edhe komuna e Ilindenit dhe Manastirit.

Në pajtim me programin, BNjVL realizon aktivitete për përmbushjen e 12 kritereve për pajisje me certifikatën, në mesin e të cilëve edhe trajnime me temë „Përfaqësimi mediatik i njësive të vetëqeverisjes lokale në suaza të BFC SEE programit“./Telegrafi/