Për të mundur Tesla Model 3, BMW vjen me gjeneratën e re të makinës elektrike Serie 3

Tashmë duket se ka filluar lufta ndërmjet kompanive të mëdha, për makinën më të mirë elektrike. E tëra ka filluar kur Tesla ka punuar një veturë e cila do ta rrëzonte nga froni luksozen BMW Serie 3, që ishte e para veturë e tillë që ishte në dispozicion të masës.

Tani, kjo e fundit, është duke punuar në një makinë me emrin e koduar si G20, në mënyrë që të rikthehet në vendin që ishte, transmeton Telegrafi.

Sipas disa raporteve, duket se prodhuesi gjerman është duke punuar me intensitet të shtuar, që të përmirësojë makinën e re elektrike, me të cilën do të merrte primatin e më të mirit.

Deri më tani, është punuar në fibrat e karbonit, që do ta bënin këtë makinë shumë më të lehtë, që lëvizja të jetë më e shpejtë.

Sa i përket pjesës së brendshme, ky model do të ketë tre cilindra, që është gjysma e pistonave që shfrytëzon kjo veturë deri më tani.

Kur Serie 3 është prezantuar për herë të parë, ka pasur kritika të pafundme për pjesës e jashtme dhe mënyrën e lëvizjes.

Këto sigurisht se do të merren për bazë, në mënyrë që të përmirësohet sa më shumë modeli i ri elektrik. /Telegrafi/