Për të luftuar ngritjen e nivelit të detit, 61 ton rërë do të derdhen në plazhet e Miamit

Autoritetet e Miami Beach urdhëruan të derdhin rreth 61 tonë rërë në plazhe, me qëllim luftimin e ngritjes së nivelit të detit.

Vendimi, i cili synon të mbrojë ndërtesat dhe shtëpitë e shpërndara nëpër bregdet nga mbulimi i ujit, kushton jo më pak se 16 milionë dollarë, njoftoi Miami Herald.

Rëra do të shpërndahet në katër shirita përballë detit dhe do të financohet me fonde federale nga kjo javë. Ekuipazhet e punës pritet të depozitojnë ngarkesë prej rreth 100 kamionë rërë çdo ditë, transmeton Telegrafi.

Sipas TeleMundo, rëra vjen nga një minierë në Hendry County, në lindje të Fort Myers. Për më tepër, puna do të kryhet nga Korpusi i Inxhinierëve të Ushtrisë, i cili zakonisht kryen projekte “rinovimi plazhi” përgjatë bregdetit të qarkut Miami-Dade.

Katër “pikat kritike” të erozionit që do të mbushen me rërë janë në rrugët 65, 55, 44 dhe 27.

Faza e parë e punimeve do të përfundojë në 18 mars dhe pas kësaj skuadrat do të lëvizin në jug. E dyta do të zhvillohet nga 2 mars deri në 20 prill, e treta nga 2 prill deri më 29 maj dhe faza e fundit, në rrugën 27, do të zhvillohet midis 11 majit dhe 5 qershorit.

I pyetur nga Miami Herald në lidhje me alternativat ndaj rërës për të luftuar ngritjen e nivelit të detit, profesori Stephen Leatherman i Universitetit Ndërkombëtar në Florida përmendi ndërtimin e shkëmbinj nënujorë në dete të larta, të cilat do të kishin një kosto “të konsiderueshme”, dhe në përdorimin e “teknologjisë së kullimit” për të mbajtur rërën në vend për më gjatë.

Leatherman, i njohur si ‘Doctor Beach’ për përvojën e tij në ekologjinë bregdetare, tha se fushat e punëve aktuale janë zgjedhur sepse ato po gërryen më shpejt sesa niveli mesatar i Beach Miami.

Këto zona “duhet të ushqehen vazhdimisht për të ruajtur një plazh mjaft të gjerë për përdorim rekreativ dhe për të mbrojtur infrastrukturën”, siç janë hotelet, bordet dhe dunat e rërës, tha ai përmes postës elektronike. /Telegrafi/