Për shkak të një gjëje të cilën rregullisht e bëni në veturë – shpenzoni më shumë karburant

Ndryshoni këtë shprehi dhe do të kurseni para.

“A është frenimi me motor vërtet i keq për veturën, ndërkaq frenimi me këmbë i mirë?” – kjo është pyetja të cilën e bëjnë shumica e shoferëve, ndërkaq tani më në fund kemi përgjigjen.

Për dallim nga frenimi me këmbë, frenimi me motor nënkupton heqjen e këmbës nga papuçja e gazit dhe vënia e motorit në marshin më të ulët.

Në këtë mënyrë vjen deri te mbyllja e ventileve, krijimi i vakuumit në motor dhe ngadalësimi i veturës, transmeton Telegrafi.

Shumica e shoferëve theksojnë që ky frenim me motor ndikon keq në veturë, mirëpo, e vërteta është krejtësisht ndryshe.

Është shumë efikase të përdoret kjo metodë e frenimit, sepse kur këmba nuk është në papuçen e gazit, vetura përdor më pak karburant.

Edhe pse kjo ndoshta ju duket kursim i parëndësishëm, gjatë udhëtimeve të gjata sasia e ruajtjes së karburantit mund të jetë e rëndësishme.

Gjithashtu, me rastin e frenimit me motor, frenat në veturë përdoren më pak se zakonisht – dhe prandaj jetëgjatësia u është më e madhe. /Telegrafi/