Për shkak të ligjit brazilian, gjykata në Barcelonë nuk do ta lejojë Alves të mbrohet në liri

Dani Alves, ish-anësori i djathtë i Bahia, Sevilla, Barcelona, ​​Juventus, PSG dhe Pumas, së fundmi u dënua me katër vjet e gjysmë burg për përdhunim.

Kujtojmë se Alves u burgos më herët pasi rasti kishte ndodhur më 30 dhjetor 2022, kur ai dhunoi një 23-vjeçare në seksionin VIP të një klubi nate në Barcelonë.

Ai ishte në paraburgim që nga 20 janari i vitit të kaluar, ndërsa procedurat gjyqësore kanë zgjatur deri më 7 shkurt të këtij viti.

Pesëmbëdhjetë ditë më vonë ai mësoi vendimin. Deri para pak kohësh, me 43 trofe, Alves ishte lojtari më i dekoruar në historinë e sportit, por ai u kalua nga ish-bashkëlojtari, Leo Messi.

Marca shkruan se duke qenë se është vendimi nuk është fuqiplotë, Alves mund të lirohet brenda pak ditësh.

Lexo po ashtu U raportua për vetëvrasjen e tij në burg, vëllai i Dani Avles zbulon të vërtetën e mbrojtësit

Më 19 mars, gjykata në Barcelonë do të vendosë nëse ish-futbollisti botëror do të lirohet apo do të qëndrojë në burg. Mbrojtja e tij kërkoi lirimin e tij, pasi nuk ka një vendim përfundimtar.

Megjithatë, duke qenë se Brazili nuk i ekstradon shtetasit e tij, ka pak mundësi që gjykata ta lirojë atë, pasi Alves thjesht mund të udhëtojë në vendlindje dhe të shmangë mundësinë për tu kthyer në burg. /Telegrafi/