Për 90 minuta shiten të gjitha biletat për ndeshjen Trepça-Sigal Prishtina

Besoni apo jo, për vetëm një orë e gjysmë janë shitur të gjitha biletat për ndeshjen e parë të Trepçës në palestrën e rinovuar Minatori përballë kampionit aktual Sigal Prishtinës.

Të shtunën në ora 10.00 të mëngjesit kanë dalë në shitje 2300 bileta për derbin e xhiros, dhe në ora 11.30 nuk ka mbetur asnjë e vetme, merr vesh “Korneri.net, nga vendi i ngjarjes.

Atmosfera në qytet është e hatshme, pasi nuk ka njeri që nuk flet pëe këtë duel, dhe besoni që palestra po të kishte pesë fishë më shumë kapacitet, do të mbushej e tëra.

Të gjitha lokalet në Mitrovicë janë veshtur me flamuj dhe gjëra të tjera të klubit të Trepçës, dhe i tërë qyteti po frymëzon për ndeshjen e cila nis në ora 19.00, dhe pritet të jetë spektakolare posaqërisht para ndeshjes, sepse është përgattur një koreografi që thuhet se është e paparë ndonjëherë në këtë palestër.

Çmimi i biletave ka qenë 1 euro dhe 2 euro, ndërsa në tregun e zi ajo po shitet deri në 5 euro.

Ky është vetëm fillimi i asaj se çfarë pritet të ndodh me klubin e Trepçës sidomos nga edicioni i ardhshëm, sepse zyrtarët e klubit po bëhet gati që tani që të shpërthejnë me përforcime nga vera, e cila duket se do të jetë shumë e nxehtë sivjet për mitrovicasit.

/Korneri/Telegrafi/