Pentagoni ndan 3.8 miliardë dollarë për ndërtimin e murit kufitar me Meksikën

Pentagoni po ndan 3.8 miliardë dollarë për të paguar murin kufitar, para që ishin paraparë për armë dhe avionë luftarak F-35.

Njoftimi i dërguar në Kongres tha që paratë po shkojnë drejt “përkrahjes së artikujve me përparësi më të lartë” dhe “kërkohet të ofrojë mbështetje për aktivitetet kundër-drogë të Departamentit të Sigurisë së Atdheut (DHS)”.

“DHS ka identifikuar zonat përgjatë kufirit jugor të Shteteve të Bashkuara që janë duke u përdorur nga individë, grupe dhe organizata kriminale si korridore të kontrabandës së drogës, dhe ka vendosur që ndërtimi i barrierave fizike shtesë dhe rrugëve në afërsi të kufirit të Shteteve të Bashkuara është e nevojshme për të penguar dhe mohuar aktivitetet e kontrabandës së drogës”, thuhet në njoftim, transmeton Telegrafi.

Pentagoni nuk iu përgjigj menjëherë një kërkese për koment për njoftimin.

Demokratët e Shtëpisë menjëherë e kundërshtuan këtë veprim si një bastisje në burimet ushtarake për atë që ata e quajtën një “projekt vanity”.

“Ndërsa disa nga kolegët tanë republikanë do të vajtojnë për vendimin e presidentit, ata e mundësuan këtë vjedhje duke bllokuar përpjekjet tona për të ndaluar presidentin për të zvogëluar llogaritë e mbrojtjes”, tha Kryetarja e Komitetit Nita Lowey në një deklaratë.

“Derisa ata të qëndrojnë pranë presidentit Trump, siguria jonë kombëtare do të vazhdojë të kërcënohet dhe sistemi ynë kushtetues i qeverisë do të vazhdojë të minohet”, shkruhet në deklaratë.

Kongresi votoi dy herë për të rrëzuar deklaratën e urgjencës së Trump, e cila i lejoi atij të riprogramonte fondet e mbrojtjes për murin, por nuk ishin në gjendje të mposhtnin veton e tij.

Paratë që janë programuar të enjten po merren nën një autoritet tjetër ekzekutiv që lejon që fondet kundër drogës të përdoren në mur.

Njoftimi thotë se 2.2 miliardë dollarë nga buxheti bazë fiskal i Pentagonit për vitin 2020 dhe 1.6 miliardë dollarë nga një fond i luftës i njohur si llogaria e Operacioneve të Emergjencave Overseas (OCO) do të transferohen në fondin kundër drogës së Pentagonit, i cili më pas do të përdoret në mur.

Në përgjithësi, financimi i avionëve do të humbasë 1.4 miliardë dollarë, sipas njoftimit. /Telegrafi/