Pendarovski: Rasti “Haraçi” është test thelbësor për sistemin e drejtësisë në vend

Afera “Haraçi” është test thelbësor për sistemin e drejtësisë në vend dhe duhet të zgjidhet në mënyrë esenciale deri në fund, jo për shkak të Evropës, por, para së gjithash, për ne vetë. Nuk guxojmë t’i tolerojmë ndikimet eventuale anësore pa dallim nga cila anë vijnë.

Ky është mesazhi që sot e ka dhënë presidenti Stevo Pendarovski në Sesionin e tretë plenar të Konventës kombëtare për Bashkimin Evropian në Republikën e Maqedonisë së Veriut, që mbahet në Kuvend.

“Duhet t’u japim mbështetje maksimale institucioneve tona në luftën kundër korrupsionit, me qëllim që kultura e pavarësisë të bëhet një e kaluar. Diçka nuk është në rregull me implementimin e terapisë. Është e nevojshme energji dhe përkushtim më i madh, qytetarët me të drejtë konsiderojnë se institucionet në shtet nuk e kryejnë punën e tyre në mënyrën më të mirë të mundshme. Në luftën kundër krimit dhe korrupsionit nuk mund të ketë rezultate të mira nëse nuk ka përballje sistematike dhe sistem të vlefshëm, i cili do të ndërtohet sipas kritereve evropiane, për çka është i nevojshëm vullnet qartë i shprehur i të gjithë aktorëve politikë në shtet”, tha mes tjerash Pendarovski.