Zëvëndës-presidenti amerikan, Mike Pence nuk do të marrë pjesë në ngjarjen lamtumirëse të presidentit në largim, Donald Trump.
Sipas medieve të huaja, përcjell Telegrafi, zyra e Pence lansoi orarin e tij për nesër, dhe përfshinte vetëm një ngjarje: inaugurimin e Joe Biden dhe të Kamala Harris.
Pence gjithashtu publikoi një mesazh lamtumirës në llogarinë e tij zyrtare në Twitter.
“Faleminderit për privilegjin që iu shërbeva si Zëvëndës-President i juaj këto katër vitet e fundit, ka qenë nderi më i madh në jetën time. Në emër të Zonjës sonë të Dytë të mrekullueshme, Karen Pence dhe të gjithë familjes sonë, faleminderit dhe Zoti e bekoftë Amerikën”, shkroi Pence.
Postimi përfshinte disa fotografi nga koha e Pence si nënkryetar. Presidenti Trump nuk ishte në asnjërën prej tyre.
Ndryshe, Trump ka folur për herë të fundit si presidenti i 45-të i Shteteve të Bashkuara të Amerikës.
Në fjalimin e tij, republikani dëgjohet duke përcjell një mesazh më shumë pajtues sesa lamtumirës. /Telegrafi/
