Pelicans gjunjëzojnë Cavaliersin e LeBron Jamesit (Video)

Në orët e para të ditës së sotme janë zhvilluar tetë ndeshje në ligën më të fortë të basketbollit.

Befasia e xhiros ishte humbja e nënkampionit dhe favoritit Cleveland Cavaliersit të LeBron James.

Cavs pësuan humbjes si mysafirë të skuadrës së New Orleans Pelicans me rezultat 123-101.

Vetëm çereku i tretë i takoi Cavaliers ndërsa në dy të tjerë triumfoi New Orleans, kurse periudha e dytë ishte e barabartë (30:30).

James duket se nuk e kishte ditën pasi që realizoi 18 pikë ndërsa më i miri në parket te Cleveland ishte Kevin Love, i cili realizoi “double-double” në saje të 26 pikëve dhe 11 kërcimeve.

Në anën tjetër, dy basketbollistë të “pelikanëve” shkëlqyen me paraqitjet e tyre. Fillimisht, Anthony Davis me “double-double” prej 30 pikëve dhe 14 kërcimeve dhe më pas DeMarcus Cousins, i cili bëri “triple-double” me 29 pikë, dhjetë asistime 12 kërcime.

Ndryshe, New Orleans dhe Cleveland kanë bilanc të njëjtë në kampionat duke fituar tre ndeshje dhe humbur tre sosh. /Telegrafi/

Rezultatet tjera:

Bulls – Thunder 69:101

https://youtu.be/JxDwkANoXYg?t=1

Grizzlies – Rockets 103:89

https://youtu.be/eubR5M8RRVo?t=1

Heat – Celtic 90:96

https://youtu.be/ytNDXVxwfgE?t=2

Jazz – Lakers 96:81

https://youtu.be/5lAKpbOtwyk?t=1

Mavericks – Philadelphia 110:112

https://youtu.be/Dd-cbvT7cO4?t=1

Portland – Suns 114:107

https://youtu.be/9WLhgx8WIyg?t=3

Clippers – Pistons 87:95

https://youtu.be/eeQIx7lZDXs?t=2