Pastroni njollat e furrës me dy produkte shtëpiake

Furrat duhet të pastrohen thellë çdo tre muaj dhe me festat në afërsi, tani është koha më e mirë për ta bërë këtë.

Pastrimi i furrave shpesh përfshin përdorimin e kimikateve të ashpra që mund të nodtin ajrin dhe shtëpinë dhe të shkaktojnë dëme në lëkurën tuaj nëse bini në kontakt me to.

Lidhur për këtë, Laura Harnett, ka ndarë një truk se si ta pastroni furrën nga njollat e pjekjes duke përdorur metoda natyrale.

Ajo sugjeroi përdorimin e limonëve dhe sodës së bukur për pastruar furrat, duke pretenduar se limonët do “shkrinin” njollat dhe soda e bukës do të depërtonte tek njollat.

“Duhet pak kohë për të pastruar plotësisht një furrë me produkte natyrale, kështu që koha më e mirë për ta bërë këtë është në mbrëmje pasi të jetë përdorur dhe ftohur ose ende pak e ngrohtë”, shpjegon ekspertja.

“Filloni duke mbushur një gotë ose enë qeramike me ujë të vluar dhe me lëngun e dy limonave”.

“Lëreni që përzierja të depërtojë tek yndyra dhe tek njollat brenda furrës dhe pas një orë, papastërtitë duhet të jenë liruar ndjeshëm, që të mund të kaloni në hapin tjetër”.

“Do t’ju duhet të krijoni një pastë të trashë që është gërryes, si dhe miqësore me mjedisin dhe e lirë për t’u bërë. Përzieni një filxhan sodë buke dhe disa lugë ujë, shtoni më shumë sodë buke për të marrë konsistencën e duhur për t’u përhapur.

“Duhet të jetë mjaft e trashë, në mënyrë që të mos dalë menjëherë nga anët e furrës dhe kështu soda e bukës të mund të funksionojë”.

Ajo sugjeron që masën e përzier ta lini në furrë tërë natën që të largojë yndyrnat. Sodën e bukës më pas mund ta fshini me një pëlhurë apo edhe me një sfungjer.